७ मला काय ठाऊक ? श्रीधर तिळवे

कवी आर्कुटच्या फुटपाथवर झोपी गेलेत
कायमचे कि तात्पुरते
नारायण सुर्वेना ठाऊक

शक्तीपुंज माझी प्रेयसी मला रिप्लेस करून
अमेरिकेला गेलीये
नवा प्रियकर शक्तिमान कि  superman
दिलीप चित्रेंना ठाऊक

चांगदेव मिनीएचर्समधील सिंहावर आरूढ होऊन
माझ्या कवितेत ज्ञानेश्वरांचा   इमेलआयडी शोधतोय
मिळाला कि नाही
अरुण कोल्हटकरांना ठाऊक

ईश्वर वन नाईट stand साठी
अभिताभ बच्चनच्या बंगल्याबाहेर उभाय
कुणी भेटली कि नाही
वसंत डहाकेंना ठाऊक

गोलपीठा आख्खी मुंबई mallमध्ये शिल्गावतोय
शिलगली कि बिलगली
नामदेव ढसाळांना ठाऊक

श्रीधर तिळवे
आरश्यातला आरश्यात वारला बेवारशी
त्याने मनोहर ओकची परमिशन घेतली होती कि नाही
मनोहर ओकलाच ठाऊक


श्रीधर तिळवे