दहा चिन्हछन्दी गझला /च्यानेल : वर्डस मधून  श्रीधर तिळवे 

भाग २

गझल ६

माझ्या त्वचेपासून गर्भाशय तयार होईल 

जनुकावरती माझा क्रियेटीव विश्वास आहे १

धुमकेतुसारखा मी कधीही उगवतो 

धूळ आणि बर्फ माझा स्वभाव आहे २

ही ABNORMAL वाद्ये गर्भपेशीत वाजणारी 

जन्मणारा बहुधा रिंगटोन वाजवत येणार ३

संगणकाशी एक माकड खेळते आहे 

हा माकडचाळा म्हणू कि माणूसचाळा म्हणू ? ४

प्लास्टिक सर्जरीतही कपडे सेमच ठेवलेत 

पेशंट आतील बहुधा FASHION DESIGNER असावा ५

पैसे वाढत गेले आरोग्य घटत गेले 

आसपास त्याच्या डॉक्टर घुटमळतायत ५

मी पिझ्झा खावून खावून बेजार झालो आहे 

चपातीलाही वाव आणि सराव असावा ६

गझल ७

मोबाईलवरती त्यांनी MISCALL दिले 

त्यांना माहित नाही मोबाईल मिसिंग आहे १

चुकीचे कोड्स टाकून त्यांनी टिकवले लॉक 

जात टिकवली म्हणून फुशारक्या मारू नका २

वाळवंटे व्हीज्युअली मोस्ट ब्यूटीफुल झाली 

ज्यांनी शूट केली ते बिस्लरीत उभे होते ३

त्वचा मऊ होती चिमटेही मऊ होते 

अत्यंत काठीण्यात संसार माझा टिकला ४

प्रत्येक घटना आता मल्टीकॅमेरल झाली 

पाह्ण्याऱ्यानां मात्र डोळे दोनच होते ५

वेश्यालये उजाडली रेडलाईट भकास झाले 

बघता बघता सेक्स होम डिलिवरी झाला ६

गझल ८

बर्फ वितळताना आवाज होत नाहीये 

निसर्गाला इच्छा स्फोटण्याची असावी १

अधिकाधिक मी अमेरिकन होत चाललो 

ही मालट्रीटमेंट आहे कि  मॉलट्रीटमेंट आहे ? २

माणसांचा ढिगारा रोज वाढतो आहे 

पृथ्वीही हळूहळू गार्बेजसारखी दिसतीये ३

कुठेच पोहचत नाहीत ते अमेरिकेत पोहचतात 

अमेरिका जिथे पोहचते तिथे खाऊन टाकते ४

यू एस ए एम्बसीपुढे उभा तो कबुतरासारखा 

कावळण्याची लाज वा गरुडण्य़ाची भीती असावी ५

ग्रहण ज्यांनी पाहिले ते सूर्यवीर होते 

ग्रहण ज्यांनी टाळले ते सूर्य टाळणारे होते ६

गझल ९

NAIL POLISH लावून गळ्याला नख लावले 

पॉलीशड खूनाचा हा नवा प्रकार असावा १

कुठलाच ए सी ह्या हवेला सूट नाही 

तात्कालिक कुलसाठी श्वास बळी चालला २

नव्या गाड्यांसाठी पार्किंग लॉट हवा 

नव्या झोपड्यांनी जागा कुठे शोधावी ? ३

जे लढण्यासाठी जन्मले ते प्लास्टिक ब्येगेत बंद 

ना कळेना हा कचरा डम्प कुठे करावा ४

अंडरगारमेंटखाली सारेच झाकले गेले 

जे सिक्स PACK दिसले ते देखावा होते ५

माझ्या एकांताशी रोजच लढत होतो 

बालपण निरागस माझे एक युद्धभूमी होती ६

गझल १०

चेहऱ्याचे अस्सल पुस्तक त्याला वाचक नाही 

हे फेसबुक म्हणजे CONTACT चा नवा बहाना १

शांतता उरात भरा वा श्यून्यता श्वासात जगवा 

बुद्धता जागी व्हावी इतका ना झोपेचा कंटाळा २

बेकायदेशीर बांधा मग कायदेशीर करा 

कायदा हिंदुस्तानचा मस्त टाईमपास ३

शिष्टाचार अवगत नाही रक्तास माझ्या जंगली 

माझा ब्लडग्रुप बहुधा पाशवी असावा ४

आयुष्य चार्जिंगला लावून ठेवले आहे 

माझ्याचवेळी नेमके भारनियमन लागू ५

श्रीधर तिळवे - नाईक 

दहा चिन्हछन्दी गझला /च्यानेल : वर्डस मधून  श्रीधर तिळवे 

गझल १

गालिब कुणी पाहिला सुरेश भट देशी 

मी गझलेचा software  मुळापासून बदलला १

सारेच expert आहेत एकमेकान्च्या तपशिलांचे 

मी एकटाच वेडा जाळ्यात एकसंध २

मिलीयन डॉलर बेबी चायनामध्ये पळाली 

हा माझा इंडिअन रुपी मेड इन इंडिया आहे ३

आईच्या दुधाच्या वासाची सवय होती 

पुन्हा जन्मताना ही डेयरी निकामी ४

साऱ्या अवयवांचे माझ्या क्लोन्निंग झाले 

प्रत्येक क्लोनड अवयव कविताच लिहतो आहे ५

प्रत्येक औषधात एक छुपे रूस्तम विष 

उपचार करतांनाही आजार गृहीत धरावा ६

गझल २

काय  रे बॉम्बब्लास्टात कितीजण मेले 

किती घरी आले आयुष्य ताजे कमवून १

पानगळीचेही काळजात saturation झाले 

शस्त्रक्रिया करून सही वसंत प्लांट करा २

फुलपाखरांनी चुकून नदी चाटली 

रंग उडालेली शवे किनाऱ्यावरती ३

personality स माझ्या मी फोन केला 

उत्तर मिळाले हा राँग नंबर आहे ४

श्वासांनीच फुफ्फुसावरती हल्ला माझ्या चढवला 

जगण्यासाठी आता मी कोठे निघून जावे ? ५

आरश्यात चेहरा वारला चेहऱ्यात दोन डोळे 

संगीत कम्पोज करतोय हा मेंदू जिवंत जारात ६

सगळेच प्रोग्राम आता एकमेकास सामील 

हा हार्डवेअर शाबूत तोवर ओळख काबूत ७

मी वॉल स्ट्रीट वरचा सेकंडरी सिटीझन 

माझी प्रत्येक नोट तो प्रायमरी प्रोग्राम करतोय ८

गझल ३

कपडे आज फाटले ती उद्याची fashion झाली 

काळीज फाटले ते भूतकालीन झाले १

मी ज्योक केले तेव्हा त्यांनी आईस्क्रीम खाल्ले 

अश्रू मात्र माझे बिसलरी झाले नाहीत २

फेक होण्याचे लायसन सर्वांना मिळाले 

मी ओरीजनल माझा काळाबाजार झाला ३

मेंदूत ज्याच्या त्याच्या निगोशियेशन्स चाललेल्या 

जो तो बाजारात फुलटाईम सेल्समन ४

हा laptop न्हवे हा तर नव्या युगाचा पोपट 

हा तेच बोलतो आहे जो डाटा कोंबलेला ५

आजचे म्येनिपुलेशन उद्याचे आर्थिक धोरण 

जे साधे सरळ आहेत त्यांची नोट फाटकी ६

गझल ४

जो थुंकला रस्त्यावरती तो वेगळा दिसला 

पिंकदाणीत थुंकणारे सभ्य पण एकसारखे १

प्रेमाचा बहाना करून माझी फ्रेम लावली 

फोटोत कैद माझा संसार फोटोजनिक २

घावात सूरा न्हवता घावात हात होते 

ते नातेवाइकांचे हा आघात होता ३

गरज नसतांनाही मी fatty च खात राहिलो 

कळले नाही चव कधी बनली रोग माझा ४

एसीखाली असूनही संताप इतका तीव्र 

मी गरम डोक्याने माझ्या काळीज माझे चावले ५

हवे हवे ची हांव इतकी बोकाळली कि 

तृष्णेच्या ताटाखालचे मी मांजर झालो ६

गझल ५

मुद्दल फिटले तरी व्याजात चालतो आहे 

हे बँकेबल आयुष्य मला अद्दल घडवते आहे १

सुक्ष्माणु किटाणू  विषाणू सर्वत्र पसरलेले 

भिंत समोरच आहे पण तुला दिसत नाही २

आईला त्वचेत गुंडाळून ही मुलगी कुठे निघाली? 

बापाची जीन्स pant झीप चघळते आहे ३

सुईच्या टोकावरती शांतता वसलेली 

छातीत ज्याच्या त्याच्या आवाज खुपसलेला ४

जसे वाटत होते तसेच पुढे प्रकटलेले 

शक्यतांच्या आसपास का इतकी नाकाबंदी ? ५

चिमटीत शब्द पकडून आमटीत कुणी ढवळला 

हा रस्सा कोल्हापुरी तांबडा पण फेक झाला ६